Anjuman E Sakina

ZEHRAA ZEHRAA PURSAA LO BAHATTAR KAA
AABAAD JO THAA KAL TAK USS UJ-DE HUWE GAR KAA
ZEHRAA ZEHRAA PURSAA LO BAHATTAR KAA

SUGHRAA KI HAI FARIYAADEN SUNSAAN MADINAA HAI
BIN EH-LE MADINAA KE WIRAAN MADINAA HAI
GHAM KYUN NA KA-RE BIBI BIMAAR KAA MUZTAR KAA

SI-NE PE SINAA KHAAI HAI HAI ALI AKBER NE
BARCHHI KI ANI KHENCHI JAB SIB-TE PAYAMBER NE
KYAA HAAL HUWAA HOGAA RAN MEN ALI AKBER KAA

BAAZAAR-O MEN KUFE KE SAR NANGE HARAM AAYE
AISAA NA THAA KOI BHI JO UN-PE TARAS KHAAE
SHIKWAA KIYAA ZAINAB NE EK EK SE CHAADAR KAA

SHABBAR SE BIRAADAR KI TASWEER KAHAAN DHUNDHE
EK JISM KE SO TUK-DE SHABBIR KAHAAN DHUNDHE
PAAMAAL HUWAA LAASHAA YUN QAASIM-E MUZTAR KAA

MASHKIZAA ALAM JULAA AUR TUTAA HUWAA KUZAA
PHIRTAA HAI NIGAAHON MEN HAR WAQT BAS EK NAQSHAA
ABBAAS KE DO BAAZU KURTAA ALI ASGHER KAA

MAASUM PE ZAALIM NE KYAA KYAA NA SITAM TODAA
GUT GUT KE SAKINAA NE ZINDAAN MEN DAM TODAA
UTHAA NA JANAAZAA BHI SHABBIR KI DUKHTAR KAA

HON FAATEMAA KAA MARQAD AUR MAAHE MUHARRAM HON
AUR SAAYAA FIGHAAN HAM PAR ABBAAS KAA PARCHAM HON
SHABBIR KAA HON MAATAM HON NAWHAA YE MEHSHAR KAA