Anjuman E Sakina

JULAA WIRAAN HAI AUR GOD BHI KHAALI ASGHAR
MAA KO BATLAADE KAHAAN BASTI BASAALI ASGHAR

SARPE CHAADAR JO NA THI MAANE KAFAN KI SURAT
KHAAK MAQTAL KI TERI LAASH PE DAALI ASGHAR

MAAR KAR TIR TABASSUM KAA SITAMGAARON KO
AABRU DINE MUHAMMAD KI BACHAALI ASGHAR

BHUL JAAE TERAA GHAM BAALI SAKINAA KAISE
TERI SURAT HAI KAHAAN BHULNE WAALI ASGHAR

BAABE KHAIBAR JO UTHAATE TO NA HOTI DIQQAT
LAASH SARWAR NE TERI KAISE UTHAALI ASGHAR

MOVT GHABHRAA GAYI MAATHE PE PASINAA AAYAA
MOVT KI AANKH MEN YUN AANKH HAI DAALI ASGHAR

KAISE HOJAAYE KISI DAR KAA BHIKHAARI RAIHAAN
HAI AZAL SE YE TERE DAR KAA SAWAALI ASGHAR