PUKAARI FAATEMAA SUGHRAA KHUDAARAA LO KHABAR BAABAA
TUMHAARE BAAD MERI ZINDAGI HAI MUKHTASAR BAABAA
GIZAA KAA ZIKR HI KYAA HAI DAWAA KOI NAHIN DETAA
AGAR BEHOSH HOTI HUN HAWAA KOI NAHIN DETAA
TUM AAJAAO TO DIKHLAAUN TUMHE ZAKHME JIGAR BAABAA
LAHAD LAGTAA HAI GHAR MUJHKO MAI ZINDAA LAASH HUN DEKHO
NAQAAHAT KE SABAB BISTAR SE SAR UTHTAA NAHIN AB TO
RIDAA ODHI HAI YUN CHAADAR HO JAISE LAASH PAR BAABAA
GAYI SHAABAAN BHI RAMZAAN BHI AUR EID BHI GUZRI
MAGAR POSHAAK MELI THI MERE TANSE NAHIN UTRI
MUHARRAM AAGAYAA TAKTI HUN AB TAK REH GUZAR BAABAA
HUWE CHHE MAAH TUMKO MARQADE ZEHRAA KO CHHODAA THAA
TUMHE TO HAJJ ADAA KARKE PALAT KE GHAR KO AANAA THAA
HAMAARE JITEJI KYAA KHATM NA HOGAA SAFAR BAABAA
HAMAARI YAAD AAYE TO PARESHAAN AAP MAT HONAA
LIKHAA HAI MERI QISMAT MEN TADAPKAR RAAT DIN RONAA
TUMHAARE BIN NAHIN HOTAA HAI EK LAMHAA BASAR BAABAA
BATAAEN KOVN SUGHRAA KO JO GUZRI USKE KUNBE PAR
NA MEHNDI AUR NA SHAADI HUWI MAARE GAYE AKBAR
PADE HAI BE KAFAN DASHTE BALAA ME KHAAK PAR BAABAA
TAGHAAFUL AAPNE BARTAA ALI AKBAR NE MUNH MODAA
GAYE PARDES TUM GHARSE MUJHE ROTAA HUWAA CHHODAA
BASAARAT KHO RAHI HAI RAFTAA RAFTAA CHASHME TAR BAABAA
LIKHUN RAIHAAN WOH KAISE JO THE BIMAARKE NAALE
TADAP KE KEHTITHI JAANE KAHAAN HAI CHAAHNE WAALE
GAYE KIS DES MEN BETI SE APNI RUTHH KAR BAABAA
