Anjuman E Sakina

KARBALAA WAALON PE YE KAISAA MUHARRAM AAYAA
KHUN TAPAKTAA HUWAA ABBAAS KAA PARCHAM AAYAA

JAISE JAISE MERE GHAAZI KAA ALAM JUKTAA GAYAA
PUSHT MEN HAZRATE SHABBIR KI BHI KHAM AYAA

KARBALAA DEKHLE ISLAAM BACHAANE KE LIYE
SAATH KUNBE KO LIYE WAARISE AADAM AAYAA

ZAALIMON ISKO TO DO BUND PILAADO PAANI
AB LABON PAR MERE BESHIR KAA HAI DAM AAYAA

SAARE MAUSAM TO GUZAR JAATE HAI AAKAR LAIKIN
BAS HAMESHAA KE LIYE MAUSAME MAATAM AAYAA

CHAAND RAIHAAN NAZAR AAYAA MUHARRAM KAA IDHAR
KHUD BA KHUD ASHQ MERI AANKH MEN PAIHAM AAYAA