Anjuman E Sakina

YAA JAAFARE SAADIQ YE DUAA KIJIYE QUBOOL
SADQE SE PANJATAN KE NAZAR KIJIYE QUBOOL

BAABUL MURAAD AAP HO AI KULKE MADAD GAAR
HAAJAT RAWAAI KIJIYE AI REHMATE KHUDAA
KHALI KOI HUZOOR KE DARSE NAHIN PHIRAA
MAQBULE BAARGAAH HO HAMAARI YE ILTIJAA

AAQAA TUMHE HAI EHMADO HAIDAR KAA WAASTAA
ZEHRAA KAA AUR SHABBIRO SHABBAR KAA WAASTAA
BAAQIR KAA AUR AABIDE MUZTAR KAA WAASTAA
DUKH DARD AUR RANJO ALAMSE KARO RIHAA

HO AAP SAKHI IBNE SAKHI AI MERE AAQAA
JO JO KE HAI BIMAAR UNHE JALD HO SHAFAA
LAA WALADO KO AWLAAD HON AI KHAASA - E KHUDAA
AUR SHAAD HON JAHAAN MEN MUHIB AAPKE SADAA

PARWARDIGAAR HAI JAAFARE SAADIQ KAA WAASTAA
MAANGAA JO KUCHH HUZOOR SE WOH JALD HO ATAA
HAM WAASTAA DETE HAIN TUJHE AALE IBAA KAA
SAB SHIYON KI MAQBOOL ILAAHI HO ILTIJAA