Anjuman E Sakina

AI ALAMDAARE WAFAA BAAZU KATAANE WAALE
JUK GAYE KHUD TERE PARCHAM KO JUKAANE WAALE

TUJHKO DARIYAA KI RAWAANI KAA SALAAM AAYA HAI
KHUN PAANI KE EWAZ APNAA BAHAANE WAALE

PANJATAN APNAA KARAM TUJHPE KARENGE HAR DAM
PARCHAME HAZRATE ABBAAS UTHAANE WAALE

DO MUHARRAM SE JO FAAQAA THAA WO TAA MARG RAHAA
HAAZRI KARTE HAIN AB TERE ZAMAANE WAALE

NOUKE NEZAA PE TILAAWAT SE KIYAA HAI SAABIT
KOUN QUR'AAN PE KHANJAR HAI CHALAANE WAALE

HAMPE HANSTE HAI TERE QATL ME SHAAMIL THE JO LOG
TUMPE ROTE HAIN TERI YAAD MANAANE WAALE

SAR QALAM HOGAYAA ISLAAM BACHAANE KE LIYE
AISE ROTE HAIN MUHAMMAD KE GARAANE WAALE

MAI BHI RAIHAAN YUNHI LIKHTAA RAHUNGAA NAUHEN
JAB TALAK ZINDAA HAI NAUHON KO SUNAANE WAALE