Anjuman E Sakina

SUGHRAA KO RULAATAA HAI YE CHAAND MUHARRAM KAA
JAB SAAMNE AATAA HAI YE CHAAND MUHARRAM KAA

HAM SURATE ZEHRAA SE BHAAI KE BICHHARNE KI
KHAATUNE QAYAAMAT KE GHAR BAAR UJADNE KI
RUDAAD SUNAATAA HAI YE CHAAND MUHARRAM KAA

KAATAA HAI GALAA LOGO SEH ROZ KE PYAASE KAA
PAAMAAL HUWAA LAASHAA EHMAD KE NAWAASE KAA
HAR EK KO BATAATAA HAI YE CHAAND MUHARRAM KAA

TASWEER DIKHAATAA HAI EHMAD KI JAWAANI KI
HAR SHAKS KO DUNIYAA ME KARBAL KI KAHAANI KI
TAFSEER BATAA TAA HAI YE CHAAND MUHARRAM KAA

KARBAL KI ZIYAARAT KO JO AANKH TARASTI THI
SHABBIR TERE GHAM ME JO AANKH BARASTI THI
US AANKH KO BHAATAA HAI YE CHAAND MUHARRAM KAA

IMRAAN KO SHABBAR KO KHAATUNE QAYAAMAT KO
HAIDAR KI QASAM MAZHAR SARKAARE RISAALAT KO
TURBAT ME RULAATAA HAI YE CHAAND MUHARRAM KAA