Anjuman E Sakina

HAAE BAAZAAR ME SAJJAAD NE ROROKE KAHAA
MAA PHUPHI BEHNON KO LILLAAH KOI DEDE RIDAA

BETAA MAJBUR THAA HAATHON ME PADI THI BEDI
BEKAFAN BAAP KAA MAQTAL ME PADAA THAA LAASHAA

BERIDAA SAANIE ZEHRAA KABHI AATI THI NAZAR
AUR KABHI BAAP KAA SAR NOUKE SINAA PAR DEKHAA

SAARBAANI KE LIYE EHLE HARAM KI DEKHO
PAA BA-ZANJEER CHALE AABIDE MUZTAR TANHAA

PHENKE ANGAARE KISI NE TO KISI NE PATHAR
QAAFELAA SHAAM KE BAAZAAR SE JIS DAM GUZRAA

PAA BA-ZANJEER HUWE PUSHT PE DURREN KHAAYE
PARCHAME DEEN KO HAR HAAL ME UNCHAA RAKHAA

USKI MAZLOOMI PE ROTE HAIN AZAADAARE HUSAIN
JISNE ZINDAAN ME SAKINAA KAA UTHAAYAA LAASHAA

JISKO MUMKIN NAHIN DUNIYAA ME ILAAJ IS SE KAHO
YE WO BIMAAR HAI DUNIYAA KO JO DETAA HAI SHIFAA

NAUHAA HASNAIN NE PARHKAR SARE MAJLIS KAISER
BIBI ZAHRAA KO DIYAA SIBTE NABI KAA PURSAA