GHAAZI KI SHAHAADAT SE SAADAAT PE KYAA GUZRI
MAULAA KI KAMAR TUTI ZAINAB KI RIDAA UTRI
ABBAAS KAA MAIDAAN ME GODE SE UTARNAA
SHABBIR SE PUCHHO KABHI ZAINAB SE KHABAR LO
KHAIMON ME YATIMON KE PAYAALON KAA BIKHADNAA
SHABBIR SE PUCHHO KABHI ZAINAB SE KHABAR LO
SHABBIR KO GHAAZI KI SUNAANI JO SUNAAYI
BECHAIN HUWE DASHT ME DHUNDHAA KIYE BHAAI
MAZLUM KI AANKHON KAA WAHAAN KAAM NA KARNAA
SAJJAAD PE ZAALIM KE TAMAACHON KI WO BAARISH
MASUM SAKINAA PE TAMAACHON KI WO BAARISH
HAAN SHIMR KAA WO SHAAME GHARIBAA ME NA DARNAA
RONE PE KOI ZULM TADAPNE PE KOI DAR
HAATHON ME RASAN KHUN ME TAR JISM KHULE SAR
YE QAAFELAA SHABBIR KI MAQTAL SE GUZARNAA
TATHEER KI PARWARDAA KO GALIYON ME PHIRAANAA
HAR SHEHR PE HAR MOD PE HI EID MANAANAA
UJDE HUWON KO DEKH KE LOGON KAA SANWARNAA
KARNE PADE BIMAAR KO TAA-MEEL HAZAARON
BE AASRAA SAIDAANIYAAN AUR MEEL HAZAARON
AB TAK BHI YATIMON KAA KOI ZAKHM NA BHARNAA
ZAINAB PE KHULI REHTI THI BAAZAAR KI AANKHEN
ROTI HI RAHI KHUN WO BIMAAR KI AANKHEN
SAJJAAD KAA HAR ROZ ME SO BAAR KAA MARNAA
