Anjuman E Sakina

MAARI GAYI HUSAIN KI HAMSHEER YAA ALI
ZEHRAA KI JAAI ZAINABE DILGEER YAA ALI

SAJDE MEN SAR SHIGAAFTAA ZAALIM NE KAR DIYAA
HAI KHUN BHARI YE AAP KI TASWEER YAA ALI

ZAANUN PE SAR PHUPHI KAA RAKHE AABIDE HAZEEN
ROTE HAI HAAE THAAM KE ZANJEER YAA ALI

KIS JURM PAR SHAQI NE KIYAA BELCHE KAA WAAR
KARTITHI HAAE MAATAME SHABBIR YAA ALI

ZAINAB KAHAAN DAMISHQ KAHAAN BELCHAA KAHAAN
ZULM-O SITAM SE HAAE YE TAUQEER YAA ALI

AABID ASEER AALAME GHURBAT ADU KAA DESH
KYUN KAR HO HAAE DAFN KI TADBEER YAA ALI

GHUSL-O KAFAN KI BHI NAHIN UMMAT KO FIKR KUCHH
YE SAANIE BATUL KI TAUQEER YAA ALI

MAULAA JANAAZAA AAP HI AAKAR UTHAAIYE
AABID UTHAAEN LAASH KE ZANJEER YAA ALI

ZAINAB KAA INTIQAAM NAGIN LE ZUHOOR MEN
QISMAT ME ISKI KIJIYE TEHREER YAA ALI

ZAINAB NE ZINDAGI ME NA DEKHI KOI KHUSHI
ROTI HUWI WO SHAAM KI RAAHON MEN CHALBASI

TANHAA LAHAD ME BHAAI KO RONE KE WAASTE
SARKAAR-E PANJATAN KI WO GHAMKHWAAR AAGAYI

MEHSHAR KE ROZ AAYEGI JAB NAAIBE BATOOL
TANWEER YE KAHENGE KHUDAA SE MERE RASOOL

ZINDAA RAKHEN HAIN JIS NE IRAADE HUSAIN KE
YAA RAB WOH MERE DEEN KI MADADGAAR AAGAYI