BINTE ZEHRAA KAA BAYAAN THAA MERE BHAYYAA ABBAAS
DASHTE GHURBAT MEN HUN TANHAA MERE BHAYYAA ABBAAS
BEKASI SHAAH Kl AUR KHUN MEN DUBE LAASHE
RAN MEN BIKHDE HUWE QAASIM KE BADAN KE TUKDE
BACHCHE HAATHON MEN LIYE REH GAYE KHAALI KUZE
MERI AANKHON NE KAI DARD KE MANZAR DEKHE
UMME LAILAA NE BHI AKBAR KE JIGAR KAA DEKHAA
MAINE ATTHAARAA BARAS WAALE KAA LAASHAA DEKHAA
BHAAI KE HAATHON PE ASGHAR KAA JANAAZAA DEKHAA
KHUN MEN DUBAA HUWAA WOH CHAANDSAA CHEHRAA DEKHA
YUN LAINON MEN GIRAA FAATEMAA ZEHRAA KAA PISAR
PHIR KISSI SIMT SE TALWAAR KAHIN SE PATTHAR
HOKE ZAKHMI JO GIRAA KHAAK PE IBNE HAIDAR
SARPE MAA-JAAE KAA SAJDE MEN CHALAAYAA KHANJAR
QAID HO KAR JO CHALI BEKASO MAJBUR BAHAN
DEKHTE TUM BHI TARAAI MERE BAAZU MEN RASAN
JALTI RETI PE PADAA THAA MERE BHAAI KAA BADAN
BE RIDAA MAI THI MERAA BHAAI THAA BE GORO KAFAN
ZAKHMI RUKHSAAR HAI SOEGI SAKINAA KAISE
SHIMR NE USKE GAVHAR CHHINE TAMAACHE MAARE
HAAE ABTAK BHI TAPAKTAA HAI LAHU KAANO SE
SOGAYE DASHT MEN SAB NAAZ UTHHAANE WAALE
