Anjuman E Sakina

SUGHRAA NE KAHAA MERE BIRAADAR NAHIN AAYE
HAM SHAKLE PAYAMBAR ALI AKBAR NAHIN AAYE

SUGHRAA NE KAHAA NAANISE ALLAAH KARE KHAIR
KYUN LOVTKE BHAYYAA ALI AKBAR NAHIN AAYE

KEHTI THI SAKINAA YEHI MAT-JAAIYE BAABAA
JO RAN MEN GAYE HAI WOH PALAT KAR NAHIN AAYE

SAR AAYE SHAHIDON KE TO BOLAA YEH BIN-E SAAD
ASGHAR KAA KAHAAN SAR HAI WOH LEKAR NAHIN AAYE

BE MAQNA-O CHAADAR HAI WOH JO ZER-E FALAK BHI
MOHTAAJ THE AISE KE KHULE SAR WAHIN AAYE

HAM KUCHH NAHIN KEHTE HAI MAGAR DEKHNA EK DIN
PACHHTAAENGE JO FARSHE AZAA PAR NAHIN AAYE

JIN ASHQONSE ZISHAAN MERI AAS BANDHI HAI
AB TAK WOHI AANKHON MEN CHHALAK KAR NAHIN AAYE