Anjuman E Sakina

ZIKR-E SHAH-E KARBALAA JAB BHI BAYAAN HO GAYAA
DIL ME UTHAA SOZ-E GHAM ASHK RAWAAN HO GAYAA

AAG KUCHH AISI LAGI HAAE QARIB-E FURAAT
JALNE KO KHAIME JAL-E ARSH DHUAAN HO GAYAA

SHAAH KAA SUKHAA GALAA TEGH KE QAABIL NA THAA
KHANJAR-E SHIM-RE LAIN KAISE RAWAAN HO GAYAA

THAA JO SHABI-HE NABI NAAM THAA JIS KAA ALI
HAAE VOH SHEH KAA PISAR QATL JAWAAN HO GAYAA

SINA-E AKBER PE JAB ZULM Kl BARCHHI LAGI
MAA KE KALEJE MEN BHI ZAKHME SINAA HO GAYAA

JAB KABHI HAM-NE KIYAA JAB KABHI HAM-NE SUNAA
TAZKIRA-E KARBALAA RAAHATE JAAN HO GAYAA

GULSHAN-E ISLAAM PAR AANCH TAK AANE NA Dl
BAN MEN NABI KAA SHAJAR NAZR-E KHIZAAN HO GAYAA

QABR Al AABID MERI ASHKON SE RAVSHAN HUI
KAWSARO TASNIM KAA MUJH KO GUMAAN HO GAYAA