SAJDE MEN SAR HAI HALQ PE KHANJAR KI DHAAR HAI
BANDAA YE KOVN AISAA IBAADAT GUZAAR HAI
KHAAMOSH KAISE TUN MERE PARWAR-DIGAAR HAI
DAR PAR BAHAN HAI PUSHT PE QAATIL SAWAAR HAI
ISS HAAL MEN BHI LAB PE YEHI BAAR BAAR HAI
SHUKRAN SHUKRAN SHUKRAN MERE YAA RAB
HAAN YE WOHI HUSEIN ALAIHIS-SALAAM HAI
TERI TARAF SE JISPE DURUD-O SALAAM HAI
SIBTE NABI HAI YE SHAHE AALI MAQAAM HAI
JISKE LABON PE EK HI KALMAA MUDAAM HAI
SHUKRAN SHUKRAN SHUKRAN MERE YAA RAB
YE WOH HAI JISKE HAATH MEN ZULFE RASUL THI
TERE NABI KO JISKI HAR EK ZID QABUL THI
BAABAA ALI ISSI KAA THAA MAADAR BATUL THI
USKI ZABAAN PE BAAT YEHI MISLE PHUL THI
SHUKRAN SHUKRAN SHUKRAN MERE YAA RAB
KEHTE HAI DASTE FAATEMAA ZEHRAA KE AAB-LE
PAALAA HAI CHAKKI PEES KE MAADAR NE PYAAR SE
JANNAT SE KAPDE IDD PE BHEJE KHUDAA JI-SE
SHUKRE KHUDAA MEN BAAT WOH KYUNKAR NA YE KAHE
SHUKRAN SHUKRAN SHUKRAN MERE YAA RAB
AWLAAD WAALO TUM-HI KARO DIL SE FAIS-LAA
WOH SHAKHS JISKAA BETAA HO HAM-SHAKLE MUSTAFAA
DEKHE USSI PISAR KAA WOH SINAA CHHIDAA HUWAA
NEZAA NIKAAL TE HUWE SINE SE DI SADAA
SHUKRAN SHUKRAN SHUKRAN MERE YAA RAB
RUKH SU-E AASMAAN KIYAA KHAALIQ KO DI SADAA
ASGHAR SHAHEED HO GAYAA AKBAR GUZAR GAYAA
LASHKAR KAHAAN KAA MERAA BARAADAR NAHIN RAHAA
PAR BEKASO MALUL NE SHIKWAA NAHIN KIYAA
SHUKRAN SHUKRAN SHUKRAN MERE YAA RAB
NAA-RAAZ TUM HO MUJH-SE MUJHE KAB QUBUL HAI
TU KHUSH HO AI KAREEM MUJHE SAB QUBUL HAI
QAID-E HARAM ASIRI-E ZAINAB QUBUL HAI
KYAA TUJHKO MERI BAAT YE YAA RAB QUBUL HAI
SHUKRAN SHUKRAN SHUKRAN MERE YAA RAB
ZAKHMON SE CHUR CHUR THAA JAB FAATEMAA KAA LAAL
LAKHT-E DIL-E ALI WA NABI GHAM SE THAA NIDHAAL
CHEHRE PE KHUN MALKE BASAD HASRAT-O MALAAL
KI ARZ SHEH NE SHUKR HAI Al RABB-E ZUL-JALAAL
SHUKRAN SHUKRAN SHUKRAN MERE YAA RAB
KAISE KAHUN RAIHAAN JO SHEH PAR GUZAR GAYI
BETE SHAHEED HO GAYE BACHCHI BICHHAD GAYI
ZAINAB DAYAARE SHAAM MEN JAB NANGE SAR GAYI
NOVKE SINAAN SE SU-E FALAK YE KHABAR GAYI
SHUKRAN SHUKRAN SHUKRAN MERE YAA RAB
