PYAASE RAHE JO RAN MEN BAHATTAR TAMAAM RAAT
TADPAA KIYE LAHAD MEN PAYAMBAR TAMAAM RAAT
RO RO KE HAAE YUSUFE SIBTE RASUL KAA
GESU SAWAAR-TI RAHI MAADAR TAMAAM RAAT
NURE NAZAR KO PAAS BITHAA KAR YE BOLI MAA
MERE QARI RAHO ALI AKBAR TAMAAM RAAT
SHABBIR KE SUKUN KAA MARKAZ BANAA RAHAA
DIDAAR-E HAM SHABIHE PAYAMBAR TAMAAM RAAT
KAISI UDAASI CHEHRA-E SARWAR PE CHHAAI HAI
JULE SE DEKH-TE RAHE ASGHAR TAMAAM RAAT
ASGHAR KE NANHE NANHE LABON PAR ZABAANE KHUSHK
DEKHAA KIYE HUSEIN TADAP KAR TAMAAM RAAT
KHAIME MEN MEHVETAA-A-TE KHAALIQ RAHE HUSEIN
DEKHAA KIYE FARISHTE YE MANZAR TAMAAM RAAT
BINTE ALI YE BOLI ZARAA DER SOTO LO
JAAGE HO FAR-TE GHAM SE BARAADAR TAMAAM RAAT
TALQIN SABRO ZABT Kl DE-TE RAHE HUSEIN
SAIDAANIYON KO PAAS BITHAA KAR TAMAAM RAAT
BAADE HUSEIN IBNE ALI RAAHE SHAAM MEN
DETI THI PEHRAA ZAINAB-E MUZTAR TAMAAM RAAT
AZMI SHAB-E DAHUM KO THI YE HASRAT-E HUSEIN
DETE RAHE AZAAN ALI AKBAR TAMAAM RAAT
