RUH POSH HOGAYE JAB KHAIRUL WARAA KAFAN ME
AAYI NA PHIR BAHAAREN GULZAAR-E PANJATAN ME
EK ROZ AAG LAAYE ZEHRAA KE GHAR PE AADAA
EK DIN GALAA ALI KAA BAANDHAA GAYAA RASAN ME
RAAHAT SE CHAAR DIN BHI BAADE WAFAAT-E HAZRAT
REHNE NA PAAYI ZEHRAA DUNIYAA-E PUR MAHAN ME
SHIRAAZA-E IMAAMAT BIKHRAA JAFAA KE HAATHON
EK AAG SI LAGAADI AADAA NE ANJUMAN ME
SHABBIR KE LIYE THAA ZAALIM KAA KUND KHANJAR
AUR AAB-E ZEHR-E QAATIL THAA HISSA-E HASSAN ME
KYUN KAR NA ROE AALAM JODAA KE IS SITAM PAR
HAIDAR KO JIS SITAM NE TADPAA DIYAA KAFAN ME
KYAA ZEHR KAA ASAR THAA PITE HI EK ZARAA SAA
KHUN-E JIGAR HASSAN KA BHAR AAGAYA DAHAN ME
GUL AAL-E MUSTAFAA ME THAA WAA MUHAMMADAA KAA
KAT KAT KE JAB KALEJAA GIRNE LAGAA LAGAN ME
LAASHE PE MUJTABAA KI KEHTI THI ROKE ZAINAB
DAURE KHIZAAN HAI NAANAA AB AAP KE CHAMAN ME
SABZAA BANE HUWE THE SIBT-E NABI SARAAPAA
TAASIR ZEHR KI THI KUCHH IS TARHA BADAN ME
ALLAHRE ZULM-E NAAHAQ TAABOOT PAR HASSAN KE
PAIWAST TEER THE KUCHH MASMOOM KE KAFAN ME
