WAQT-E RUKHSAT JO KIYAA SHAAH NE AKBAR KO SAWAAR
PAR NAHIN AATAA THAA SHABBIR KE ISS DIL KO QARAAR
JUNHI RAHWAAR CHALAA PICHHE SHAH-E DEEN BHI CHALE
TEZ RAHWAAR HUWAA SHEH KE QADAM TEZ BARHE
AAHATEN BAAP KE QADMON KI JO MEHSOOS HUWI
PALTE AKBAR YE KAHAA AAYE JO BAABAA KE QAREEB
BAABAA – BAABAA
IZN LEKAR HI TO MAIDAAN KI TARAF JAATE HAIN
AAP KYUN PICHHE MERE ROTE HUWE AATE HAIN
SHEH NE AKBAR KE LIYAA SINE PE PHIR SE BOSAA
AUR DIL THAAM LIYAA ROKE YE AKBAR SE KAHAA
DARD TUN MERAA SAMAJHTAA AGAR AISAA HOTAA
KAASH AKBAR TERE JAISAA TERAA BETAA HOTAA
DARD EK BAAP KAA EK BAAP SAMAJH SAKTAA HAI
KYUN PADAR PICHHE TERE ROTE HUWE CHALTAA HAI
BETAA ATHHAARAA BARAS TU NE BHI PAALAA HOTAA
MUSKURAATE HUWE TUM RAN KO CHALE HO AKBAR
SONCH TO LETE KE NAAZON KE PALE HO AKBAR
MARNE JAATE HUWE MAA BAAP KAA SONCHAA HOTAA
TU JO GODE SE GIRAA MAI NA SAMBHAL PAAYAA HUN
THHOKARE KHAATE HUWE PAAS TERE AAYAA HUN
TERAA RAHWAAR NA LAATAA TO NA POHNCHAA HOTAA
WAQT HAI KITNAA KADAA BAAP KE DIL SE PUCHHO
MUJHSE KEHTE HO MERE SINE SE BARCHHI KHENCHO
HAAYE MARJAATAA MAI YE WAQT NA DEKHAA HOTAA
