BINTE ZAHRAA KA KHULAA SAR HAI KHUDAA KHAIR KARE
AUR HAR HAATH ME PATHTHAR HAI KHUDAA KHAIR KARE
HUR KE BETE PE HI SHABBIR BOHOT ROYE THE
AB TO LAASHE ALI AKBAR HAI KHUDAA KHAIR KARE
MAAR TE HAI WAHAAN NEZON KO ZAMEEN PAR ZAALIM
DAFN JIS JAA ALI ASGHAR HAI KHUDAA KHAIR KARE
KUCHH QADAM DUR KHADI DEKH RAHI HAI ZAINAB
SHIMR KE HAATH ME KHANJAR HAI KHUDAA KHAIR KARE
CHOUNK KAR KHWAAB SE KEHTI THI WATAN ME SUGHRAA
KISI MUSHKIL ME MERAA GHAR HAI KHUDAA KHAIR KARE
PICHHE DIWAAR HAI AUR JALTAA HUWAA DAR AAGE
BEECH ME BINTE PAYAMBAR HAI KHUDAA KHAIR KARE
BE RIDAA JAANAA HAI ZAINAB KO WAHAAN PAR KE JAHAAN
HAR KOI DUSHMAN-E HAIDER HAI KHUDAA KHAIR KARE
