DAFN KARNE KE LIYE LAASHE SHAHEEDAAN-E WAFAA
KARBALAA AAYE BA-EJAAZE IMAAMAT MAULAA
CHAARSU BIKHDE HUWE TUKDON KO JIS DAM DEKHAA
PHAT GAYAA QALB-O JIGAR ZABT KAA YAARAA NA RAHAA
LAHED ME LAASHA-E ABBAAS RAKH KAR
TADAP KAR SAYYAD-E SAJJAAD RO-E
NIGAAHON ME THAA AASHURAA KAA MANZAR
TADAP KAR SAYYAD-E SAJJAAD RO-E
KABHI LAASHE KE TUKDE CHUM-TE THE
KABHI ABBAAS KAA SAR DHUNDH-TE THE
TAN-E BE SAR KO SINE SE LAGAAKAR
SHIKASTAA JISM KE BOSIDAA SHAAN-E
UTHAAYEN KIS TARHA ALLAAH JAAN-E
CHALAA JAB QALB PAR FURQAT KAA KHANJAR
SITAM FOUJ-E SITAMGAR DHAA RAHI HAI
SAKINAA BHI TAMAACHE KHAA RAHI HAI
CHACHAA ABBAAS SE YE BAAT KEHKAR
JIDHAR LE JAA RAHE HAIN JAA RAHAA HUN
MUSALSAL TAAZIYAANE KHAA RAHAA HUN
TARAS KHAATE NAHIN MUJHPAR SITAMGAR
BADAN PAR ZAKHM JITNE THE DIKHAAYE
HUWE HAI ZULM KYAA KYAA SAB BATAAYE
BATAAYAA HAI PHUPHI AMMAA KHULE SAR
CHACHAA KI LAASH KO EK AAH BHAR KE
BOHOT RO-E SIPURT-E KHAAK KAR KE
BOHOT CHHOTI SI EK TURBAT BANAAKAR
MUKAMMAL HOGAYAA JIS DAM DAFINAA
KIYAA TALQEEN ME ZIKR-E SAKINAA
BATAAYAA CHHINGAYE KAANON SE GAUHAR
KABHI DARIYAA KABHI TURBAT KO DEKHAA
KABHI NAZDIK SE GHURBAT KO DEKHAA
SAR-E MAQTAL TARAAYI SE PALAT KAR
DUAA MAANGO YE AASIF SIDQ-E DIL SE
KOI DUSHMAN BHI AISE DIN NA DEKHE
KE JAISE SHAADMAAN HAATHON KO MALKAR
