SHEH SE AKBAR NE KAHAA KHENCHLO BAABAA NEZAA
SAATH ME DIL MERAA NIKLEGAA NIKAL JAANE DO
IS MUSIBAT SE MAI AAZAAD TO HOJAAUNGAA
SAATH ME DIL MERAA NIKLEGAA NIKAL JAANE DO
AB SAHI JAATI NAHIN MUJHSE MUSIBAT BAABAA
BARHTI JAATI HAI MERE DARD KI SHIDDAT BAABAA
DAAL KAR HAATH KALEJE ME NIKAA LO NEZAA
KAHIN AAJAAYE NA MAQTAL ME SAKINAA BAABAA
APNE HAATHON SE HI DHAKLO MERAA SINAA BAABAA
ZAKHM DEKHEGI TO MARJAAEGI MERI BEHNAA
JINAA IS DIL PE MERE BHAARI HUWAA JAATAA HAI
SAANS LENAA BHI TO DUSHWAAR HUWAA JAATAA HAI
KOI HARKAT JO KARUN CHUBTAA HAI DIL ME NEZAA
IS ZAEEFI ME YE ZEHMAT NA UTHAAWO BAABAA
JAAKE DARIYAA SE CHACHAA JAAN KO BULAAWO BAABAA
TUM SE TANHAA NAHIN UTHPAAEGAA MERAA LAASHAA
KHUN KE AANSU HAR EK LAMHA RULAATI HAI MUJHE
FIKR APNI NAHIN SUGHRAA KI SATAATI HAI MUJHE
JAANE KIS HAAL ME HOGI MERI BEHNAA SUGHRAA
KHATM AB JALD MERI BAABAA MUSIBAT KIJE
MUNTAZIR DAADI HAI AAGOSH ME LENE KE LIYE
IN KI GODI ME MAI AARAAM SE SOJAAUNGAA
DIL ME BARCHHI HAI LAGI IS KI KHABAR MAT KARNAA
SUNKE HAALAT MERI MARJAAEGI ZAINAB WARNAA
PAALNE WAALI SE YE GHAM NA SAHAA JAAEGAA
HAI KAMAR TUTI HUWI AANKHON ME BINAAYI NAHIN
BEHRE IMDAAD KOI BETAA NAHIN KOI BHAAI NAHIn
TERI HAALAT PE MUJHE AATAA HAI BAABAA RONAA
AAKHERI BAAQI HAI PURI YE WASIYYAT KARDO
KHINCH KAR BARCHHI MERI KHATM MUSIBAT KARDO
DIL PHATAA JAATAA HAI NEZE KI ANI SE MERAA
WAKHT SHABBIR PE THAA DAANISH-O SALMAAN AJEEB
BEKASI ROTI THI EK BETE KI MAYYAT KE QAREEB
DASHT ME GUNJ RAHAA THAA YEHI GHAM KAA NAUHAA
