ALLAH MUJHE LASHKARE MAHDI SE MILAADE
AISAA NA HO AAQAA MERAA HAL MIN KI SADAA DE
NAZRON KO MERI LAAYEQE DEEDAAR BANAADE
PARDAA JO PADAA HAI MERI AANKHON PE UTHAADE
HAADI-E ZAMAAN KAA RUKHE PUR-NOOR DIKHAADE
HAR EK NISHAAN KUFR-O ZALAALAT KAA MITAADU
HAR RAAH MEN EK DEEP SADAAQAT KA JALAADU
IS KHAIR-E AMAL KI MUJHE TAUFIQ KHUDAA DE
LIKHDE MERI TAQDEER ME MAULAA KI GHULAAMI
HAASIL MUJHE HOJAYE YE EHSAAS-E DAWAAMI
HAR KHWAAHISHE DUNIYAA KO MERE DIL SE MITAADE
SHAAMIL RAHE LEHJE ME SADAA HARF-E SADAAQAT
SHAMSHEER TALE MAI BHI KARUN KOI IBAADAT
AI KAASH MUJHE FAATEMAA ZAHRAA YE DUAA DE
SHABBIR KE ANSAAR ME SHAAMIL HO MERAA NAAM
JO HUR KAA HO MEHSHAR ME WOHI HO MERAA ANJAAM
KHAAKE QADAME HAZRATE SHABBIR BANAADE
KHANJAR KI ZABAAN KAAT DU MAI SHEH RAGE JAAN SE
AAWAAZ-E FUGHAAN AANE LAGE TEER-O KAMAAN SE
EK AISAA TABASSUM MERE HONTON PE SAJAADE
DEKHUN NA AGAR UTH-TE HUWE PARDA-E GHAIBAT
AAYE JO MERE BAAD YAHAAN HAZRATE HUJJAT
TURBAT ME ABAD KOI MERAA SHAANAA HILAADE
