HAAYE ABBAAS ALAMDAAR, HAAYE ABBAAS ALAMDAAR
MAAF KARDENAA SAKINAA PAANI MAI NA LAA SAKAA
TUJHSE SHARMINDAA HAI BETAA YE WAFAA PAIKAR CHACHAA
DEKH KAR PYAASON KAA RONAA YE IRAADAA KAR LIYAA
LAAWUNGAA DARYAA SE PAANI IZN AGAR SHEH NE DIYAA
HAAN MAGAR QISMAT KE AAGE ZOR HAI KISKAA CHALAA
CHHIN KAR AADAA SE DARYAA MAI NE PAANI BHARLIYAA
MASHQ BHAR KE ALQAMAA SE JAANIBE KHAIMAA CHALAA
HAR QADAM LAB PAR DUAA THI KHAIR HO MERE KHUDAA
JAANIBE KHAIMAA SAFAR JO DEKHAA FOUJE SHAAM NE
ASHQIYAA NEZE SAMBHAALE AAYE MERE SAAMNE
MASHQ SINE SE LAGAA KAR JABR PAIKAR KAA RAHAA
HAAE ISS DOURAAN ME JAB YE SITAM MUJH PAR HUWAA
MASHQ PAR EK TEER AAYAA AUR PAANI BEHGAYAA
DEKH KAR MASHKIZAA TERAA DIL MERAA KEHNE LAGAA
PHIR KISI ZAALIM NE MERE KARDIYE BAAZU KALAM
GIR GAYAA JALTI ZAMEEN PAR KHUN ME DUBAA ALAM
MAI ALAM KO DEKHTAA THAA AUR KARTAA THAA BUKAA
GIR KE GODE SE ZAMEEN PAR DI THI AAQAA KO SALAAM
KARKE AAQAA KI ZIAARAT MAI NE YE NAUHAA PARHAA
JAAKE APNI LAADLI SE AAP KEHDENAA ZARAA
HAR SITAM ABBAAS APNE KI WASIYYAT BAS YEHI
LEKE KHAIMON ME NA JAANAA MERAA LAASHAA YAA AKHI
RUH NIKLI JAB BADAN SE KAR RAHI THI MARSIYAA
