JAB RIDAA SAR SE CHHINI MAI SADAA DETI RAHI
TU NA AAYAA GHAAZI
AALE IMRAAN KAHAAN AUR ZINDAAN KAHAAN
YE BAHEN QAID HUWI TU NA AAYAA GHAAZI
HAM KO PAANI NA MILE TERI KHUSHBU TO RAHE
TERE BAAZU NA KATEN CHAAHE MASHQIZAA CHHIDE
YE MAGAR HO NA SAKAA TERE BAAZU HAIN JUDAA
TUJH PE HAI TASHNAA LABI TU NA AAYAA GHAAZI
DHUP ME TU THAA SHAJAR TUJHSE AABAAD THAA GHAR
HAI BAREHNAA MERAA SAR KYAA NAHIN TUJHKO KHABAR
AI ALAMDAARE WAFAA IS BAHEN KO BA KHUDAA
TUJH SE DHAARAS THI BADI TU NA AAYAA GHAAZI
AAGAYI SHAAME ALAM LUTGAYEN EHLE HARAM
RET PAR JALTI HUWI HOGAYAA THANDAA ALAM
PURSAA DENE KE LIYE MUJHSE MILNE KE LIYE
AAGAYE BAABAA ALI TU NA AAYAA GHAAZI
KYAA KAHUN SHER MERE BERIDAA HAM KO LIYE
YE MUSALMAAN SAARE SHEHR DAR SHEHR GAYE
KHILQATE KUFAA KABHI KHILQATE SHAAM KABHI
BAARHAA HAM PE HASI TU NA AAYAA GHAAZI
KITNI BEBAS THI BAHEN AI SHAHENSHAAHE WAFAA
NAAM LE LE KE MERAA JAB YE ZAALIM NE KAHAA
NAAZ THAA JISPE TUJHE AB BULAAWO NA USE
AUR MAI ROTI RAHI TU NA AAYAA GHAAZI
QAID KHAANE ME QAZAA JAB SAKINAA KO MILI
DEKE KURTE KAA KAFAN BACHCHI DAFNAAYI GAYI
US GADI NAAM TERAA SURATE NAADE ALI
BAS MAI DOHRAATI RAHI TU NA AAYAA GHAAZI
ROYAA RAIHAAN QALAM KARKE YE BAAT RAQAM
KHUN ME DOOB GAYAA MERE GHAAZI KAA ALAM
ZAKHMI ZAINAB KAA JIGAR KHUN FISHAA SHAAH KA SAR
AAYE KHAIMON ME SHAQI TU NA AAYAA GHAAZI
