NAUHAA FAZAA-E TOOS ME YE FAATEMAA KAA HAI
LAASHAA YE BE DAYAAR IMAAM-E RIZAA KAA HAI
NAUHAA FAZAA-E TOOS ME YE FAATEMAA KAA HAI
PURSAANE HAAL KOUN SHAHEED-E JAFAA KAA HAI
HAAKIM YAHAAN KAA JO HAI WO DUSHMAN KHUDAA KAA HAI
GHURBAT ME DAFN AAJ MERE DILRUBAA KAA HAI
MAATAM HAI AMBIYAA ME IMAAM-E GHAREEB KAA
UMMAT ME HAAL YE HAI KHUDAA KE HABEEB KAA
KOI BHI RONE WAALAA NAHIN GHAM NASEEB KAA
UTH-TAA HAI BEKASI ME JANAAZAA GHAREEB KAA
KYUN KAR BUKAA KARUN NA MAI BIKHRAAE APNE BAAL
BE JAAN TADAP TADAP KE HUWAA HAAE MERAA LAAL
KOI NA THAA GHAREEB KAA PURSAANE HAAL HAAE
UMMAT ME HAI TABAAH MUHAMMAD KI AAL HAAE
CHHUPTAA HAI ZEER-E KHAAK SHAHAN SHAAHE HASHTAMI
KHULDE BARI ME SHOR HAI HILTI HAI SAB ZAMEEN
QATL-E IMAAM-E DEEN SE HAI MASROOR EHLE KEEN
UMMAT NE KHUB AJR-E RISAALAT DIYAA NAGEEN
HOTE HAIN DAFN AAJ YAHAAN SHAAHE BAHROBAR
NIKLI HAI SHEH SE MILNE KO GHURBAT ZADAA UDHAR
KYAA HAAL HOGAA POHNCHEGI JAB AAPKI KHABAR
HAR DAM HAI BHAAI BHAAI BAHEN KI ZABAAN PAR
MUSE RIZAA QATEEL-E JAFAA BE WATAN IMAAM
FURQAT ME JAAN BALAB HAI TUMHAARI BAHAN IMAAM
