SHIMR SE KEHTE THE SHAHE MASHRAQAIN
BAALI SAKINA HAI MERE DIL KAA CHAIN
EHMADE MUKHTAAR KAA JAANI HUN MAI
HAIDARE SAFDAR KI NISHAANI HUN MAI
DINE PAYAMBAR KI JAWAANI HUN MAI
FAATEMAA KAA YUSUFE SAANI HUN MAI
BHAAI HASAN HAI MERAA MAI HUN HUSSAIN
SAJDE MEN SHABBIR KI GARDAN KATI
SAR KHULE DARBAAR MEN ZAINAB GAYI
PAAUN MEN SAJJAD KE BEDI PADI
SHIMR NE HARGIZ NA SIFAARISH SUNI
MARGAYI ZINDAAN MEN BINTUL HUSSAIN
EK YATIMAA KO SATAAYAA TO KYAA
DUKHTE HUWE DIL KO DUKHAAYAA TO KYAA
GURKIYAAN DE DEKE RULAAYAA TO KYAA
MUNH PE TAMAACHE BHI LAGAAYAA TO KYAA
SEHM KE MAR JAAENGI BINTUL HUSSAIN
DEKH MAI KEHTAA HUN TU SUN AI LAIN
TUJHKO WASIYYAT KAA BANAA DUN AMIN
GAR-CHE AMAL KAA NAHIN TUJHSE YAQIN
MERI SAKINAA KO SATAANAA NAHIN
GAR MERE MATAM MEN KARE SHORO SHAIN
ZAB-HA PIYAASAA MUJHE KARTAA HAI TU
QEHRE KHUDAA SE NAHIN DARTAA HAI TU
HAATH MERE KHUN SE BHARTAA HAI TU
PAAUN MERE SINE PE RAKHTAA HAI TU
TUN BHI NA PAAEGAA MERE BAAD CHAIN
NAAON KI PAALI HAI MERI MEHJABIN
BAAP KI SHAYDAA HAI WOH MAAHE MUBIN
GURKIYAAN KHAANE KI WOH AADI NAHIN
DEKH WOH ROI TO HILEGI ZAMIN
TUJHKO LAHAD MEN BHI MILEGAA NA CHAIN
