HAI HAI BADAA AZEEM SITAM MUJH PE HOGAYAA
SAB KUCHH KHUDAA KI RAAH MEN SHABBIR DE CHUKAA
INKAAR AASMAAN-O ZAMEEN NE BHI KAR DIYAA
CHEHRE PE KHUN TUMHAARE BHATIJE KAA MAL CHUKAA
DARD-O ALAM KAA EK SARAAPAA HUSAIN HAI
ZAKHMON SE CHUR CHUR TUMHAARAA HUSAIN HAI
UMMAT RASOOL KI MUJHE BARBAAD KAR GAYI
MERI KAMAAI DASHTE BALAA MEN BIKHAD GAYI
AI BHAAI MUJHPE YE BHI QAYAAMAT GUZAR GAYI
SINE MEN NAWJAWAAN KE BARCHHI UTAR GAYI
BAAQI NAHIN HAI CHAAHNE WAALAA MERAA KOI
BE LUTF HOKE REH GAYI SARWAR KI ZINDAGI
FURQAT NE TERI TOD DI BHAAI KAMAR MERI
AKBAR KE GHAM NE CHHIN LI AANKHON KI ROSHNI
HAMDARD MERE MERE DILAAWAR MADAD KARO
GERAA HAI ZAALIMON NE BARAADAR MADAD KARO
GHAMKHWAAR MERE MUNIS-O YAAWAR MADAD KARO
MAI HUN GHAREEB QUWWATE HAIDAR MADAD KARO
KARNE SITAM HUSAIN PE AATE HAIN ASHQIYAA
CHAARON TARAF SE TEER CHALAATE HAIN ASHQIYAA
PAANI UTHAA UTHAA KE DIKHAATE HAIN ASHQIYAA
AAWO JARI KE HAMKO SATAATE HAIN ASHQIYAA
NEZE SITAMGARON KE CHUBHE EK JISM MEN
BHAALE LAGE HAIN GURZ LAGE EK JISM MEN
ZAKHMON KE QAAFELE HAIN BASE EK JISM MEN
HAI BESHUMAAR TEER MERE EK JISM MEN
BAS EHSAN-O SHARAR NAHIN PADNE KI TAAB AB
KARTAA THAA WAAR SHAAH KI GARDAN PE SHIMR JAB
NAUHE KI SHAKL MEN YEHI JUMLAA THAA ZERE LAB
EK FAATEMAA KE LAAL PE KARTE HAIN ZULM SAB
