ROUZE PE MUHAMMAD KE BUKAA KARTI THI SUGHRAA
KHAT ASHQON SE HAR ROZ LIKHAA KARTI THI SUGHRAA
DIN RAAT YEHI EK DUAA KARTI THI SUGHRAA
KUNBAA MERAA LOUT AAYE KAHAA KARTI THI SUGHRAA
YE KAB KAHAA MAINE MUJHE JINE KI DUAA DO
ZEHRAA KAA TASADDUQ MUJHE BAABAA SE MILAA DO
BIMAARI ME BIMAAR KO IZAA NAHIN DETE
TANHAAI KE KHANJAR SE DILAASAA NAHIN DETE
MAJBUR KO MAJBURI ME SADMAA NAHIN DETE
YE MAANAA KE SAADAAT KO SADQAA NAHIN DETE
TUM MUJHKO MERE BHAAI KAA SADQAA HI DILAA DO
AMMAA KI MUHABBAT NA PADAR KAA RAHAA SAAYAA
ISS SAAL MUJHE EID NE KYAA KYAA NA RULAAYAA
SUGHRAA NE TO GHAM EID KO EIDEE ME MANAAYAA
HAD HOGAYI BAABAA KAA KOI KHAT NAHIN AAYAA
FURQAT ME MARI JAATI HUN LILLAAH JILAA DO
KARTI THI PHUPHI PYAAR MUJHE MAA SE ZIYAADAA
MAA JAISI PHUPHI NE BHI MUJHE AAJ BHULAAYA
EK TEER GHAM-O RANJ KAA DIL ME UTAR AAYAA
BAS RANJ-O ALAM NE MUJHE SINE SE LAGAAYAA
BIMAAR HUN BIMAAR KO BAS EK DAWAA DO
WOH ZOUF-O NAQAAHAT HAI QADAM UTH NAHIN SAKTAA
RASTAA BHI TO MAALUM NAHIN KARBOBALAA KAA
US SIMT KOI QAAFELAA BHI TO NAHIN JAATAA
ISS HAAL ME BATLAAIYE AB KYAA KARE SUGHRAA
TUM KARBOBALAA KAA MUJHE RASTAA HI BATAA DO
AB GHAR ME MERE SHAB KO DIYAA BHI NAHIN JALTAA
MAI DIL BHI JALAAUN TO ANDHERAA NAHIN JAATAA
AATAA HAI ACHAANAK JO HAWAA KAA KOI JHONKAA
MAI KEHTI HUN SHAAYAD MERAA KUNBAA PALAT AAYAA
ISS KHWAAB KO TAABIR KAA CHEHRAA HI DIKHAA DO
LOUT AAUNGAA WAADAA ALI AKBAR NE KIYAA THAA
PARDES ME KYAA BHUL GAYE BAAT YE BHAYYAA
BIMAAR HAI LAACHAAR HAI MAJBUR HAI SUGHRAA
JUZ GIRYAA-O MAATAM KE KOI BAS NAHIN CHALTAA
WAADAA ALI AKBAR KO ZARAA YAAD DILAA DO
SUGHRAA KE BILAKNE SE LARAZTAA THAA MADINAA
BIMAAR KE JINE KAA NA THAA KOI KARINAA
ASHQON KE TALAATUM MEN THAA BEKAS KAA SAFINAA
RAIHAAN PHATAA JAATAA HAI GHAM SE MERAA SINAA
WOHI MUJHE BIMAAR KAA WOH NAUHAA SUNAA DO
