MUJRAI KHALQME IN AAnKHONE KYAA KYAA DEKHAA
ZAB-H HOTE HUWE PAYAMBAR KA NAWAASAA DEKHAA
KEHTI THI ZAINABE MUZTAR KE KHUDAA KHAIR KARE
RAATKO KHWAABME URIYAAn SARE ZEHRAA DEKHAA
JAAKE ZANABNE MADINE ME KAHAA SUGHRAASE
KAHUn KIS MUnH-SE KE PARDES MEn KYAA KYAA DEKHAA
MAINE DEKHAA ALI ASGHAR KA GALAA KHUnME TAR
MAINE ZAKHMI ALI AKBAR KA KALEJAA DEKHAA
MAINE DEKHAA ALAM-E SHAAHKO AALUDA-E KHUn
MAINE NEZEPE SAR-E DILBAR-E AZEHRAA DEKHAA
EK GATHDI SHAHEDIN PUSHTPE LAAYE USME
MAINE TUKDE HUWE QAASIMKA SARAAPAA DEKHAA
HAAE KYUn HO NA GAYI KOR KE IN AAnKHONE
QAID KHAANE MEn SAKINAA KA JANAAZAA DEKHAA
KYAA KAHUn DASHT MEn SAJJAADNE KYAA KYAA DEKHAA
GHAR LUTAA QAID HUWE BAAP KA LAASHAA DEKHAA
