NEHER PER LASHA PADA HAI BAWAFA ABBAS KA
UTH GAYA BEHNON KAY SAR SAY AASRA ABBAS KA
PHAINK DO HATHON SE KUZA DEKHO SURAJ DHAL GAYA
AI SAKINA AB NA DEKHO RASTA ABBAS KA
BAZUON KA GHAM NA THA LAIKIN JO MASHKIZA CHIDA
AISA LAGTA THA KALEJA CHID GAYA ABBAS KA
MAAT DI HAI PYAS KO PYASE NE PANI KE BAGHAIR
MOJ E DARIYA DEKH YEH HAI MOAJIZA ABBAS KA
LAB LARAZTAY THE MAGAR MOLA KO BHAI KEH DIYA
HUKM KI TAMEEL KARNA KAAM THA ABBAS KA
JAB SAKINA KI TARAF BARHNAY LAGA SHIMR E LAEEN
SAHIL E DARIYA PE LAASHA KAANP UTHAA ABBAS KA
YUN SAKINA KA SAFAR THA KARBALA SE SHAM TAK
THA NAZAR MEIN HAR GHARI CHEHRA CHACHA ABBAS KA
HAQ ADA HOTA NAHIN HAI INSE AE UMMUL BANEEN
JITNA BHI MATAM KAREN EHLE AZA ABBAS KA
