MASHK CHHIDI BAAZU KATE QATL ALAMDAAR HUWAA
THI LABE HUSAIN PAR BUKAA BE AAS HUWAA MAI
KHAAK URHAAE HUSAIN DASHTE BAYAABAAN ME
QATL ALAMDAAR HOGAYAA BE AAS HUWAA MAI
AAJ ALI KAA PISAR BAN ME AKELAA HUWAA
LAASHE SHAHEEDON KE HAIN CHAARO TARAF ASHQIYAA
DIL HAI MERAA KARBALAA KHAAK MERI ALQAMAA
KOUN SAHAARAA BANE ZULM KE TUFAAN ME
QATL ALAMDAAR HOGAYAA
SHIDDAT-E-AALAAM SE KAAMP RAHAA HAI BADAN
AAYENGE IMDAAD KO SHERE KHUDAA BUTH-SHIKAN
BEKAS-O BE AAS HAI EK GHARIBUL WATAN
KOI MASIHAA NAHIN AAJ BAYAABAAN ME
QATL ALAMDAAR HOGAYAA
BHAAI KI SUNKAR SADAA DASHT KO SARWAR CHALE
PADTE HUWE MARSIYAA AANKHON ME AANSU LIYE
RAAH ME MAZLOOM KO BHAAI KE BAAZU MILE
EK QAYAAMAT HUWI GHAM SE DIL-O JAAN ME
QATL ALMDAAR HOGAYAA
BAAZU UTHAATE HUWE BOLE SHAHE KARBALAA
JINE SE BEZAAR HAI IBNE SHAHE LAA FATAA
ZABT KE BANDHAN ABHI TUT GAYE AI KHUDAA
KOI KAMI AB NAHIN MOUT KE SAAMAAN ME
QATL ALAMDAAR HOGAYAA
THOKARE KHAATE CHALE HAATH RAKHE QALB PAR
FURQATE ABBAAS ME TUTI HUWI THI KAMAR
KEHTE RAHE HAR QADAM QALB-O JIGAR PIT KAR
NAAM MERAA LIKH GAYAA DARD KE QUR’AAN ME
QATL ALAMDAAR HOGAYAA
SHAAH KO AL-MUKHTASAR BHAAI KAA LAASHAA MILAA
THAAM KE DIL SHAAHE DEEN KARNE LAGE MARSIYAA
SAATH HAMAARAA ABHI CHHODO NAHIN BAA-WAFAA
KEHTE THE EHLE SITAM ZULM KE MAIDAAN ME
QATL ALAMDAAR HOGAYAA
DAM THAA LABON PAR RUKAA KEHNE LAGAA BAA-WAFAA
AAKHERI DEEDAAR KO BAAQI THAA YE SILSILAA
BHAAI KO BHAAI KAHAA JAAME SHAHAADAT PIYAA
AUR BARHE RANJ-O GHAM QALBE PARESHAAN ME
QATL ALAMDAAR HOGAYAA
KHUN ME DUBAA ALAM LAAYE JO SHAAHE ZAMAN
KHAIMON MEN KOHRAAM THAA BHAAI SE BOLI BAHAN
CHHOD KE ABBAAS KO AAYE HO KYUN KAR MAHAN
SHAAH NE ROKAR KAHAA DASHTE BAYAABAAN ME
QATL ALAMDAAR HOGAYAA
SAFDAR-O MAZHAR BHALAA KAISE BAYAAN HO WO GHAM
BAALI SAKINAA KE THE BAIN YE ZERE ALAM
LOUT KE AAWO CHACHAA AAP KO MERI QASAM
HASHR UTHAA KHAIMA-E SAYYADE ZISHAAN ME
QATL ALAMDAAR HOGAYAA
