WIQAARE DIN-E KHUDAA HAI HUSAYN KAA MAATAM
PAYAMBAROn NE KIYAA HAI HUSAYN KAA MAATAM
ZAMAANAA LAAKH MUKHAALIF HOn RUK NAHIn SAKTAA
KE FAATEMAA KI DUAA HAI HUSAYN KAA MAATAM
YAZID ISSE BADI AUR KYAA HAI TERI SHIKAST
KE TERE SHAR ME BAPAA HAI HUSAYN KAA MAATAM
KHUDAA RASUL FARISHE IMAAM SAB HAIn WAHAAN
JAHAAN KAHIn BHI BAPAA HAI HUSAYN KAA MAATAM
KHABAR NAHIn HAI YEH FATWE FAROVSH MUFTI KO
ALI KE GHAR SE CHALAA HAI HUSAYN KAA MAATAM
KISSI BHI GHAIR KE DAR PAR WOH KAISE PHAILEGAA
JO HAATH KARTAA RAHAA HAI HUSAYN KAA MAATAM
AI BINTE FAATEMAA ZEHRAA TERI ATAA KE TUFAYL
HAMEn NASIB HUWAA HAI HUSAYN KAA MAATAM
BA-ROZE HASHR KHABAR LENGE USKI PAIGHAMBAR
JISSE KHABAR NAHIn KYAA HAI HUSAYN KAA MAATAM
WILAA-E AALE NABI KI TARHAA MIR HASSAN
MERE LAHU MEn MILAA HAI HUSAYN KAA MAATAM
