YAA FAATEMAA ZEHRAA TUMHE KHAALIQ KI QASAM HAI
CHHUDWAADO HAME GHAMSE YEHI WAQTE MADAD HAI
SAAIL TERAA AB GHAIRKE GHAR JAA NAHIN SAKTAA
AURON KAA DIYAA TERI QASAM KHAA NAHIN SAKTAA
TUN CHAAHE JO KHAALIQSE WOH KYAA AA NAHIN SAKTAA
JIBRIL TERE KEHNESE KYAA LAA NAHIN SAKTAA
KYAA JAAKE KARUN GHAIRKE GHAR HO BHI TO AISAA
PURI HO TAMANNAA KOI DAR HO BHI TO AISAA
KHUD JELE MASAAEB KO JIGAR HO BHI TO AISAA
HAR EK KI SUNLE JO BASHAR HO BHI TO AISAA
AAFATSE GHAMO RANJSE AB JAAN KO AMAAN DO
NAALAAN KO AMAAN KHAADIMO TARSAAN KO AMAAN DO
MAJBUR KO MAAYUS KO GIRYAAN KO AMAAN DO
HAM TERE GHULAAMONKO BALAAONSE AMAAN DO
BAKHSHI HAI MUJHE DAVLATE IMAAN NABINE
MUSHKIL MEN MADAD KI HAI SADAA USKE WASINE
PEHLE BHI KARAM MUJHPE KIYAA HAQ KE WALINE
BHULAA NAHIN HAI YAAD DIYAA HAI JO ALINE
DUSHMAAN BHI SATAAEN MUJHE MAI RANJ BHI KHAAUN
PAR HARF SHIKAAYAT KAA ZARAA LABPE NA LAAUN
INSAAN HUN KABTAK YE BHALAA SADMEN UTHAAUN
KHAADIM JO TUMHAARAA HUN KAHAAN KEHNE KO JAAUN
