SHABBIR PAR FIDAA HUWE ZAINAB KE DONO LAAL
DIL MAA KAA SHAAD KAR GAYE ZAINAB KE DONO LAAL
MAATAM BAPAA THAA KHAIMA-E ZAINAB ME US GADI
JAB QATLGAAH KO CHALE ZAINAB KE DONO LAAL
DEKAR RAZAA-E JANG RAHE MUZTARIB HUSAIN
ZAINAB KE DIL KAA CHAIN THE ZAINAB KE DONO LAAL
RAN SE SADAA YE AAYI KE MAAMU MADAD KO AAO
GODE SE JIS GADI GIRE ZAINAB KE DONO LAAL
DEKHAA NA BHUL KAR BHI SUE NEHR-E ALQAMAA
PYAASE SHAHEED HOGAYE ZAINAB KE DONO LAAL
WALLAAH MUSTAFAA KI SHARIYAT TO BACH GAYI
HAAYE MAGAR NA BACH SAKE ZAINAB KE DONO LAAL
HANGAAME HASHR KAA MUJHE KYAA KHOUF HO SUHEIL
BAKSHISH MERI KARAAENGE ZAINAB KE DONO LAAL
