NA DES APNA HAI NA LOG APNE HAI
MAI KAISE KAFAN DUN MERE MAZLOOM BARADAR
YEH DEKH ZARA AY TASHNADAHAN
SHANO KO MERE JAKDE HAI RASAN
AUR USPE SITAM HAI SAR PAR NAHI CHADAR
KAL SAATH TERE HAR GAAM CHALI
AB QAIDI BANI AUR SHAAM CHALI
ISS DARD KE MAARE ROTI HUN KHULE SAR
BABA HAI AMIR E KOUNO MAKAN
HAI TERA LAQAB SARDARE JINAN
ZAINAB TO HUWI HAI BE-CHADAR BEGHAR
AI BHAI TERI GHURBAT KI QASAM
TA UMR NAHIN BHULOONGI YEH GHAM
PARDES MEI AAKAR NAUHA HAI LABON PAR
KYA ZULM SAHE TUJHKO HAI KHABAR
HAI AAL-E-PAYAMBAR KHAAK BASAR
HAFTUM SE NAHI HAI PANI BHI MAYASSAR
HOTA JO MADINA BHAI MERE
MIL JAATA KAFAN MAZLOOM TUJHE
ISS DASHT-E-BALA MEI MAJBOOR HAI KHWAAHAR
HAI KUSHTA-E-TEGHE ZULM BATA
JAB KOI MERA YAWAR NA RAHA
MAQTOOL-E-JAFA HAI ABBAS AUR AKBAR
KYA KYA NA HUWI ZAINAB PE JAFA
SAB KHAIME JALE ASBAAB LUTA
PAR SAB SE BADA HAI YEH GHAM MERE DIL PAR
