NAANAA MAI JAA RAHAA HUN KHUDAA HAAFIZO NAASIR
WAADAA NIBHAA RAHAA HUN KHUDAA HAAFIZO NAASIR
NAANAA TUMHAARE DEEN KO DARKAAR HAI LAHU
KARNAA HAI EK SAGHEER KE KHUN SE MUJHE WUDHOO
NAANAA TUMHAARAA DEEN BACHAANE KE WAASTE
KHUD KO MITAA RAHAA HUN
NAANAA TUMHAARI QABR SE MUNH KAISE MOD LUN
JAAKE LAHAD PE AMMAA KI KIS TARHAA SE KAHUN
AMMAA TUMHAARE LAAL KAA DUSHMAN ZAMAANAA HAI
MAI MARNE JAA RAHAA HUN
NAANAA MADINAA CHHUT-TAA HAI HOTAA HUN BEWATAN
SEHRAA MEN MERI LAASH BHI TADPEGI BEKAFAN
EHLE HARAM KE SAR SE RIDAA LUTI JAAEGI
AANSU BAHAA RAHAA HUN
BIMAAR EK BETI TUMHAARE HAWAALE HAI
SHAALE AZAA JO AAJ SE GARDAN MEN DAALE HAI
AB US SE ZINDAGI MEN NA MILPAAYEGAA HUSAIN
MAQTAL KO JAA RAHAA HUN
AMMAA KI QABR ASHQON SE APNE BHIGO CHUKAA
NAANAA LIPAT KE AAP KE MARQAD SE RO CHUKAA
AB MUJHKO BERIDAAI-E ZAINAB PE RONAA HAI
TUMKO BATAA RAHAA HUN
KUFE KE BAASIYON NE LIKHE KHAT KAYI HAZAAR
NAANAA WATAN SE DUR AJAL KO HAI INTEZAAR
MUSLIM KI BHI KHABAR KOI NAANAA NAHIN MILI
KHUD MILNE JAA RAHAA HUN
SINE SE EK BAAR LAGAA LIJIYE MUJHE
PEHLU MEN APNE AAP SULAA LIJIYE MUJHE
DASHTE BALAA MEN PYAASAA MUJHE MAARAA JAAEGAA
SEHRAA BASAA RAHAA HUN
ABBAAS AUR QAASIM-O AKBAR KO BHI AJAL
AI NAANAA JAAN AAYEGI KARBOBALAA MEN KAL
YE BAAT NAANAA ZAINAB-O KULSUM SE MAGAR
AB TAK CHHUPAA RAHAA HUN
RAIHAAN QABRE FAATEMAA ZEHRAA LARAZ UTHHI
MARQAD MEN KHAAK GHAM SE UDAANE LAGE NABI
JIS DAM KAHAA HUSAIN ALAIHIS SALAAM NE
NAANAA MAI JAA RAHAA HUN
