SAR PIT KE ZEHRAA NE KAHAA AUNO MUHAMMAD
KYAA DHAAYE HAI UMMAT NE JAFAA AUNO MUHAMMAD
MAQTAL MEN TUMHE QATL KIYAA AUNO MUHAMMAD
SAR TAN SE HUWE HAAE JUDAA AUNO MUHAMMAD
EK BHAAI KAA ABBAAS KE HAATHON PE HAI LAASHAA
EK BHAAI KO SHABBIR NE HAATHON PE UTHAAYAA
BAAQI NA RAHAA HAAE MERAA KOI NAWAASAA
MAAMU PE HUWE RAN MEN FIDAA AUNO MUHAMMAD
NAANAA BHI MERE SAATH MEN AAYE HAI TUMHAARE
HAI DIL PE RAKHE HAATHON KO AFSOS KE MAARE
ROTE HAI NAWAASE MERE DUNIYAA SE SIDHAARE
HAI SADMON MEN DIL DUBAA HUWAA AUNO MUHAMMAD
TUM DONO NE JAB MAAMU SE MAANGI THI IJAAZAT
KIS YAAS SE WHO TAKTE THE TUM DONO KI SURAT
ZAINAB KI SIFAARISH PE KIYAA THAA TUMHE RUKHSAT
AB HAAL HAI KYAA DEKHO ZARAA AUNO MUHAMMAD
TUM DONO KI MAA DASHT MEN BARBAAD HUWI HAI
TUM DONO KI NUSRAT PE MAGAR SHAAD HUWI HAI
LAASHON PE KOI BAYN NA FARYAAD HUWI HAI
SAR SAJDE MEN HAI KABSE RAKHAA AUNO MUHAMMAD
PARDES MEN MAADAR HAI TO HAI BAAP WATAN MEN
DO PHUL THE WOH BHI NA RAHE HAAE CHAMAN MEN
KYAA USKO KHABAR HOGI KE KYAA HOGAYAA RAN MEN
TUM DONO MEN KOI NAA RAHAA AUNO MUHAMMAD
BAAQI TO ABHI ASR KAA HANGAAM HAI FIDVI
ZAHRAA KO NA KUCHH CHAYN NA AARAAM HAI FIDVI
TADPAA NE KO KUFAA HAI ABHI SHAAM HAI FIDVI
AATI HAI SHUJAA UNKI SADAA AUNO MUHAMMAD
