BARASTE TEERON ME TAABUT SIBT-E AKBAR KAA
HUSAIN LE CHALE LAASHAA BADE BIRAADAR KAA
JIGAR KE TUKDE JO KATKE LAGAN ME GIRTE GAYE
NAZAR ME NAQSHAA PHIRAA KARBALAA KE MANZAR KAA
BILAK KE ROE JO QAASIM PIDAR KE LAASHE PAR
KALEJAA AAGAYAA MUNH KO HASSAN KI KHWAAHAR KAA
ALI KI BETIYAAN KYUN ZAAR ZAAR ROTI HAI
JANAAZAA PHIR SE UTHAA AAJ KYAA PAYAMBAR KAA
MADINAA YE HAI ABHI KARBALAA BHI HAI ZAINAB
KAHAAN PE SOG MANAAEGI TU BHARE GHAR KAA
BATOOL QABR ME BETAAB HOGAYI HOGI
ALI KO SAAMNAA PHIR HAI GHAMON KE KHAIBAR KAA
SHABIH-E AHMAD-E MURSAL KAA YE JANAAZAA HAI
UTHAANAA SHEH KO HAI LAASHAA ABHI TO AKBAR KAA
YE TEER JITNE BHI RAIHAAN MUJTABAA PE CHALE
KARENGE ZAKHMI GALAA KAL YEHI TO ASGHAR KAA
