QAASID KO LEKE AAYE HAI MAQTAL MEI JAB HUSSEIN
ZAKHMON KA EK HUJUUM THA MAULA KE SAATH MEI
AKBAR KI LAASH UTHI HAI TAAZIM KE LIYE
AAKHIR BAHEN KA KHAT JO THA MAULA KE HAATH MEI
BETE SE KEH RAHE THE KE BEHNAA KA KHAT SUNO
HAI QARB QAAENAAT KA HAR EK BAAT MEI
UTHO AKBAR KHAT AAYA HAI KHAT AAYA HAI
UTHO AKBAR KHAT AAYA HAI
KHAT MEI LIKHA HAI PEHLI SATAR PAR
AI MERE PYAARE BHAYYA AKBAR
MERI DUA HAI AI MERE BHAYYA
TUJHPE HO QURBAAN TERI KHWAHAR
AANCHAL DUA KO PHAILAAYA HAI
ABBAS CHACHA KI TAKBEER SUNKAR
MAIDAAN SAARA DEHELTA TO HOGA
BAALI SAKINA KI UNGLI PAKAR KAR
AB MERA ASGHAR CHALTA TO HOGA
USKA BHI KURTA BHIJWAAYA HAI
CHAANE LAGI HAI DILKO UDAASI
MUSHKIL HUWA HAI AB MERA JINA
BETAB RAAHE KHAMOSH GALIYAA
SUNSAAN AANGAN VIRAAN MADINA
EK HU KA AALAM SAA CHAAYA HAI
DEKHA HAI MAINE EK KHWAAB JISME
GIRYAA KUNA HAI SAARI FAZAAEN
DEKHA HAI MAINE DARYAA LAHU KA
BIKHRI HUWI HAI JISME RIDAAEN
MERA KALEJA GHABRAAYA HAI
SUGHRA KO AB MEI LIKHNE LAGA HUN
AKBAR SE MILNE KI UMMEED CHORO
AB UMR BHAR HAI MATAM HI MATAM
HAR SHAAD CHORO HAR EID CHORO
TUMPE GHAMON KA AB SAAYA HAI
FARHAAN TUMPE LAMHA BA LAMHA
AKBAR KI UJRI BAHAN KA KARAM HAI
SHOUKAT KE HAATHON PE AKBAR KE DAMSE
HAR WAQT MAQTAL SHANASA KALAM HAI
NAUHA USI NE LIKHWAAYA HAI
