ZINDAN ZINDAN NA BHULENGE HUM SHAM KA ZINDAN
WO SHAM KE ZINDAN MEI SAKINA KA TADAPNA
TAREEKI SE GHABRAAKE WO BACHCHI KA BILAKNA
JAB YAAD KIYA ASHKO KA JARI HUA TOOFAN
KEHTI THI SAKINA MERE BABA KO BULADO
RAB KE LIYE AMMA ALI AKBAR KO BULADO
KYUN AATE NAHIN LENE MUJHE MERE CHACHA JAAN
JAB BAAP KA SAR BETI NE ZINDAN MEI PAAYA
LIPTAYA KALEJE SE SAB EHWAL SUNAYA
UMMAT NE KIYA NANA KI KIS DARJA PARESHAN
GHAR LUT KE ZAALIM NE TAMACHE MUJHE MAARE
DURRE MUJHE MAARE MERE GAUHAR BHI UTAARE
KOI NA THA US WAQT MEI BABA MERA PURSA
MASUMA PE NAGAAH CHALI ZULM KI TALWAAR
ZINDAN MAY NAMUDAR HUA SHIMR-E-SITAMGAAR
AUR CHHEENA SAKINA SE SAR-E-SARWARE ZEESHAN
BABA SE JUDA HOKE BHI JAB SAR NA UTHHAAYA
SAJJAD NE HAMSHIR KE SHAANE KO HILAAYA
CHILLAKE KAHAA HAAYE SAKINA HUWI BE-JAAN
SAR PEET KE YUN KEHNE LAGI MAADARE MUZTAR
HAY HAY MERI BACHI MERE SAR PAR NAHIN CHADAR
KAISE KARUN DUKHIYA MAI TERE DAFN KA SAAMAAN
BEEMAR NE MAASUMA KI TURBAT JO BANAYI
CHILLAKE YUN KEHNE LAGI MAA GHAM KI SATAAYI
KIS DIL SE SAKINA KARUN TUJHKO TAHE ZINDAAN
MAJLIS MEI SAKINA KE LIYE SHORO BUKA HAI
ABBAS KO AWAAZ DO YE WAQT-E-DUA HAI
JO DIL MEI TUMHARE HO WOH SAB POORE HO ARMAAN
