ROKE SAJJAAD SE KARTI THI SAKINAA YE KALAAM
KYAA ABHI DOOR HAI SHAAM KYAA ABHI DOOR HAI SHAAM
MERE BHAAI MERE BEKAS MERE MAZLOOM IMAAM
KYAA ABHI DOOR HAI SHAAM KYAA ABHI DOOR HAI SHAAM
HOKE HAM QAID YUNHI CHALTE RAHENGE KAB TAK
GHAM SAHENGE KAB TAK
KAB KHULEGI YE RASAN KAB YE SAFAR HOGAA TAMAAM
KISI MANZIL PE TARAS KHAAENGE HAM PAR YE LAEEN
KOI UMMEED NAHIN
HAM GHARIBON KE MUQADDAR ME KAHAAN AB AARAAM
ZABT KARNE KE LIYE KOUN SAA DIL LAAUN MAI
KAASH MARJAAUN MAI
AURATEN DEKHTI HAI AAKE TAMAASHAA LABE BAAM
GHAIRATE NABZ MERI KHUN RULAATI HAI MUJHE
SHARM AATI HAI MUJHE
BAAL CHHOTE HAIN TO CHHUPTAA NAHIN CHEHRAA BHI TAMAAM
ROWUN BAABAA KO TO IN-AAM ME DURRE KHAAUN
AUR TAMAACHE KHAAUN
MAI WO BETI HUN JO LE SAKTI NAHIN BAAP KAA NAAM
SADQE KAR KAR KE KHAJUREN JO YE SAB PHENKTE HAIN
HAM YE KYAA DEKHTE HAIN
HAM TO SAADAAT HAIN SAADAAT PE SADQAA HAI HARAAM
ABHI ZINDAAN KE GHAMON SE BHI GUZARNAA HAI HAMEN
WAHIN MARNAA HAI HAMEN
QAID KHAANE KE ANDHERE BHI LIKHI HAI MERE NAAM
BINTE SHABBIR YE NAYYAR HAI TERAA FARYAADI
TU MERI SHEHZAADI
TERI TURBAT PE BHALAA POHNCHEGAA KAB TERAA GHULAAM
