PARDES ME AALE EHMAD KO BE JURMO KHATAA LUT LIYAA
AFSOS NABI KI UMMAT NE MEHMAAN BULAAKE LUT LIYAA
TAARAAJ NABI KAA GHAR KIYAA NAAMUS-E NABI KO QAID KIYAA
FARZAND-E MUHAMMAD KE SAR KO NEZE PE UTHAAKE LUT LIYAA
INSAAF KI DUNIYAA TU HI BATAA AISE BHI MAZAALIM HOTE HAIN
SAAMAAN BHI AALE ATHAR KAA KHAIMON KO JALAAKE LUT LIYAA
AFSOS SAKINAA ROTI RAHI FARIYAAD KISI NE BHI NA SUNI
BUNDE JO YATIMAA PEHNE THI ZAALIM NE WO AAKE LUT LIYAA
YE ZULM NABI KI ITRAT PAR AI KALMA-E HAQ PADNE WAALO
BIMAAR KAA BISTAR BHI RAN ME BEKAS KO HATAAKE LUT LIYAA
JO LAKHTE JIGAR THAA EHMAD KAA JO NURE NAZAR THAA HAIDAR KAA
AFSOS MUSALMAANO NE USE MEHMAAN BULAAKE LUT LIYAA
BARBAAD NABI KAA GHAR BHI KIYAA AUR AAG BHI DI KHAIME ME LAGAA
KIS ZULM SE AALE ATHAR KO MEHMAAN BULAAKE LUT LIYAA
NAAMUS-E NABI KI CHAADAR BHI AFSOS NA BAAQI SAR PE RAHI
KAISE WO MUSALMAAN THE HAAFIZ BACHCHON KO RULAAKE LUT LIYAA
