NA AB HUSSAIN NA LASHKAR HUSSAIN KA HOGA
SITAM UTHAANE KO BIMAAR E KARBALA HOGA
PATAKTI HONGI SAR APNA FURAT KI MAUJE
DHUAN JALE HUWE KHAIMON SE UTHH RAHA HOGA
ZAMINE GARM PE TASHNA DAHAN PADE HONGE
SARON PE AB KOI SAAYAA NA REH GAYA HOGA
KISI NE BAALIYAAN KAANON KI CHHINLI HONGI
KOI TAMAACHE SAKINA KO MAARTA HOGA
ASIR HOKE NABI ZAADIYAAN CHALI HONGI
TO DIL KA HAAL KHUDA JAANE KYA HUWA HOGA
LAHU SHAHIDON KA DEKHA JO HOGA ZAINAB NE
TO DIL SE PYAAS KA EHSAS MIT GAYA HOGA
PADE HAI LAASH KE TUKDE KATE HAI BAAZU BHI
MAGAR SAKINANE PEHCHAAN TO LIYA HOGA
BATA RAHE HAI NISHAAN EDIYAA RAGAD NE KE
KOI JAWAN YAHAAN PAR TADAP RAHAA HOGA
ABHI NASIB MEN DURRE HAI AUR TAMAACHEN HAI
ABHI SAKINA KO PAANI KAHAAN MILAA HOGA
TUMHAARI PYAAS TO NAAWAKSE BUKHGAYI ASGHAR
DILE RABAB MAGAR GHAM SE HUK RAHA HOGA
CHHUTI NA MARKE BHI TALWAR AVNO JAAFAR SE
DILON ME HONSLAA KYA JAANE KYA RAHA HOGA
ABHI SUKUN MUNAWWAR KAHAAN YATIMON KO
ABHI TO QAIDE MUSIBAT KA SAAMNA HOGA
