HUSAIN BHAAI KE LAASHE PE BAIN KARTE HAIN
KAMAR HUSAIN KI ABBAAS KYUN JUKAAI HAI
TERAA ALAM MERE LASHKAR KI AABRU THAA MAGAR
LAHU LAHU HAI ALAM NAANAA KI DUHAAI HAI
MAI SONCHTAA HUN TUMHE RAN KI KYUN IJAAZAT DI
ALAM BOHOT THAA TUMHE MASHQ KIS LIYE DE DI
LAHU BHARAA HUWAA PARCHAM TERAA RULAATAA HAI
YE AAG PAANI NE DIL ME MERI LAGAAYI HAI
TERE BAGHAIR MERI ZINDAGI ADHURI HAI
AJAL HAMAARE LIYE YE TERI JUDAAI HAI
TERE SAHAARE PE LAAYAA THAA GHAR SE ZAINAB KO
TERAA SAHAARAA NAHIN HAI TO FIKRE CHAADAR HAI
YE SONCH KAR HI MERI ROOH KAAMP JAATI HAI
BAHEN AKELI HAI AUR SHAAMIYON KAA LASHKAR HAI
TERE KATE HUWE BAAZU MAI KIS TARHAA DEKHUN
YE KAISI CHOUT KALEJE PE MAINE KHAAYI HAI
SAKINAA KAB SE ALAM PAR NAZAR JAMAAE HAI
WO PYAASE BACHCHON KI UMMEED YUN BANDHAAI HAI
KIYAA HAI WAADAA CHACHAA NE KE LAAENGE PAANI
WO SUKHE KUZON KO HAATHON ME YUN UTHAAE HAI
MILEGAA PAANI TO KAANTE ZUBAAN SE JAAENGE
ISE KHABAR NAHIN AMMU KI MOUT AAYI HAI
GHARIB BHAAI KO AISE BHI KOI CHHODTAA HAI
KHAFAA HO HAMSE TO ZAINAB NE KYAA KHATAA KI HAI
TERE LIYE TO ALI NE NAMAAZE SHAB ME BHI
HAZAAR BAAR HI KHAALIQ SE YE DUAA KI HAI
TERAA ALAM KARE SAAYAA ALI KI BETI PAR
TERE ALAM NE TO HIMMAT MERI BARHAAYI HAI
TUMHE KHABAR NAHIN ABBAAS DASHTE GHURBAT ME
HAME AKELAA SAMAJH KAR LAEEN SATAAENGE
NAHIN HAI FIKR MUJHE APNE QATL HONE KI
BAHEN KE SAR KI RIDAA KAISE HAM BACHAAENGE
HAME TO MOUT SE PEHLE HI TUMNE MAAR DIYAA
AJAL TO PURSE KO KHUD MERE PAAS AAYI HAI
MUJHE BATAAWO KE ZAINAB KO KYAA TASALLI DUN
USE JO SHAAME GHARIBAAN KAA SAAMNAA HOGAA
LAGEGI AAG JO KHAIMON MEN AI MERE BHAAI
TUMHI BATAAWO KE US WAQT HAAL KYAA HOGAA
MERAA TO BETAA BHI GHASH ME HAI AI DILER
MERE HAI JISKE WAASTE ZANJEER FAUJ LAAYI HAI
RAIHAAN KHAAK PE YE KEHKE SHAAH BAITH GAYE
NAJAF SE AAIYE BAABAA MADAD KARO NAANAA
GHAREEB HOGAYAA AMMAA TUMHAARAA LAKHTE JIGAR
HAMAARE BAAZU KO FAUJE SITAM NE KAAT DIYAA
SUNO BAGHAUR TO FARHAAN AARAHI HAI SADAA
ALI KE LAAL PE NAUHAA KUNAA TARAAYI HAI
