BADH RAHI HAI ZULMO JABR KI MUHEEB AANDHIYAAN
GIR RAHI HAI MOMINON KE QALBO JAAN PE BIJLIYAAN
UTH RAHI HAI DINE MUSTAFAA KI SIMT UNGLIYAAN
HUJJATE KHUDAA HAI AAP DIN KO DIJIYE AMAAN
HAR QADAM PE ABTO EK KARBALAA HAI YAA IMAAM
HAR BARAS ARIZE MOVJ KE SIPURD KAR CHUKE
APNE INTEZAAR SE JIGAR HAMAARE BHAR CHUKE
KITNE LOG JI RAHEN HAI KITNE LOG MAR CHUKE
ZABT KE TAMAAM RAASTON SE HAM GUZAR CHUKE
LAB PE AAP KE ZUHUR KI DUAA HAI YAA IMAAM
CHOVDAASO BARAS SE ZULM SEH RAHEN HAI YAA IMAAM
RAAZE KARBALAA HAR EKSE KEH RAHEN HAI YAA IMAAM
SHEH KE GHAM MEN ASHK AB BHI BEH RAHEN HAI YAA IMAAM
ZULM KE MUQAABILE PE DAB GAYE HAI YAA IMAAM
AAP KAA JO DILKO EK HONSLAA HAI YAA IMAAM
JADD HAI AAP KE ALI ALI HAI SHERE KIBRIYAA
SIRATE BATUL KYAA HAI AAP KAA HAI MADRASAH
DARSE SABR AAP NE HUSAYN HI SE HAI LIYAA
KHAATEMAA KARENGE AAKE AAP ZULMO JABR KAA
SAATH AAPKE DUAA-E SAYYADAA HAI YAA IMAAM
GHAIB PAR YAQEEN NAHIN JISSE WOH MUNKIRE KHUDAA
JISKO GHAIB PAR YAQEEN WOHI PADEGAA LAA ILAAH
LA ILAAH PADKE HOGAYAA RASUL AASHNAA
JO RASUL AASHNAA HAI WOH MUHIB HAI AAP KAA
YE NABI KAA AUR KHUDAA KAA FAISLAA HAI YAA IMAAM
EK DO NAHIN KAI JAWAAN SHAHEED HO GAYE
KARBALAAE ASR MEN SITAM MAZEED HO GAYE
ZULM KE TAMAAM SILSILE SHADEED HO GAYE
PERUWEN YAZEED AAJ PHIR YAZEED HO GAYE
AAP KAA HUSAYNIYON KO AASRAA HAI YAA IMAAM
MAAON NE PISAR BAHAN NE BHAAI NAZR KARDIYE
BACHCHE BHI YATIM HUWE SUHAAG BHI UJAD GAYE
BAAP NE GHAME HUSAYN MEN LAHU JIGAR KIYE
JAARI AAJ BHI HAI MAJLISON KE SILSILE
AAIYE KE PANJATAN KAA WAASTAA HAI YAA IMAAM
AS-SALAAM ALAIKA YAA IMAAME ASR WAZ-ZAMAAN
AL- AMAAN AL - AMAAN AI IMAAME INSO JAAN
AL - AJAL AL - AJAL Al SHARIKATUL QURAAN
AAP KE ZUHUR KAA HAI MUNTAZIR SABHI JAHAAN
SARWARO RAIHAAN KI BHI YE SADAA HAI YAA IMAAM
