Anjuman E Sakina

ZANJIRON MEN JAKDAA HUWAA BIMAARE KARBALAA
ABBAAS KE HAI BAAD ALAMDAARE KARBALAA

ZAKHMI HAI PUSHT PAAUN MEN CHHAALE PADE HUWE
SOZE ALAM SE SINE MEN NEZE GADE HUWE
TAAHIKH MEN HAI AAKHERI
KIRDAARE KARBALAA - BIMAARE KARBALAA

SAJDON KO SAAJEDIN KE SAJDON PE NAAZ HAI
EK EK AMAL IMAAM KAA RASHKE NAWAAZ HAI
TEHRIR HAI LIKHI SARE
DIWAARE KARBALAA - BIMAARE KARBALAA

BAADE HUSAYN KASHTI - E ISLAAM KE LIYE
CHAADAR PHUPHI KI BAADBAAN SURAT LIYE HUWE
KHUD BANGAYAA HAI DEKHIYE
FATWAA-E KARBALAA - BIMAARE KARBALAA

KARBOBALAA MEN SAJDA-E SHABBIR KI BAQAA
ZAINAB KAHIN BANI KAHIN SAJJAAD BAN GAYAA
MEHRAABE KARBALAA HAI YE
MINAARE KARBALAA - BIMAARE KARBALAA

KHUTBON KI LEKE SABR KAA PARCHAM LIYE HUWE
DINE NABI KE ZAKHM KAA MARHAM LIYE HUWE
JAATAA HAI KAISI SHAAN SE
SAALAARE KARBALAA - BIMAARE KARBALAA

KAISAA YE WAQT AAYAA MUSIBAT KI HAI GADI
SAAYAA USSI KE SARPE NAHIN DHUP HAI KADI
SAAYE MEN JISKE THE SABHI
ASHJAARE KARBALAA - BIMAARE KARBALAA

ZAINAB KAA AUR SAYYADE SAJJAAD KAA HAI DAM
LEHRAA RAHAA HAI AAJ JO ISLAAM KAA ALAM
BAAQI JO REH GAYE HAI YE
AASAARE KARBALAA - BIMAARE KARBALAA

BIMAARE KARBALAA KAA JO NAUHAA KOI SUNE
RAIHAAN AAZMI YEHI KEHTE SUNAA USSE
LIKHE BOHOT KHULUS SE
ASH-AARE KARBALAA - BIMAARE KARBALAA