Anjuman E Sakina

SAKINAA SHAAM MEN MARKAR YEHI SAMJAA GAYI LOGO
JUDAAI BAAP KE SINE KI MUJHKO KHAAGAYI LOGO

KAFAS GHURBAT UDAASI SHIMR KAA DAR PYAAS KI SHIDDAT
SITAM ITNE HUWE MAASUM KO MOVT AAGAYI LOGO

PADAR KI KHUN BHARI GARDAN PE BACHCHI NE JO LAB RAKHE
YE MANZAR DEKH KAR TO KHUD QAZAA GHABRAAGAYI LOGO

WOH MAA JO DHUP MEN AKSAR ALI ASGHAR KO ROTI THI
SAKINAA KI QAZAA USS PAR QAYAAMAT DHAAGAYI LOGO

BANDHE HAATHON PE EK BIMAAR LAAYAA BEHEN KI MAYYAT
YE AWLAADE NABI PAR KAISI GHURBAT CHHAAGAYI LOGO

BAHAN KI LAASH HAATHON PE LIYE SAJJAAD KEHTETHE
GULISTAANE IMAAMAT KI KALI MURJAAGAYI LOGO

CHACHAA BAABAA BARAADAR SAB KE SAB TO KARBALAA SOYE
SAKINAA KO NA JAANE SHAAM KAISE BHAAGAYI LOGO