Anjuman E Sakina

AI TASHNA DAHAN BE SARO SAAMAAN HUSAYNAA
ZEHRAA-O-MUHAMMAD KE DILO JAAN HUSAYNAA

PHAL BARCHHI KAA KHAAKAR GAYE DUNIYAA SE PUR ARMAAN
GHAR KARGAYE WIRAAN
HAM SHAKLE NABI YUSUFE TAN AAN HUSAYNAA

PIRI ME JAWAAN BETE KI MAYYAT KAA UTHAANAA
AUR KHAIMEN ME LAANAA
DUNIYAA TERI HIMMAT PE HAI HAIRAAN HUSAYNAA

KYAA HAAL HUWAA HOGAA DILE BAAP KAA USS DAM
PAIKAAN LAGAA JIS DAM
BE JAAN HUWAA ASGHARE NAADAAN HUSAYNAA

QUR-AAN KE PAARON KI TARHAA BIKHDE THE LAASHE
MAQTAL KI ZAMEEN PE
AUR KIS QADAR SHAADAAN HAI MUSALMAAN HUSAYNAA

AASHUR KO KYAA KYAA NA LAEENO NE JAFAA KI
LI CHAADARE SARKI
THI AALE NABI RAN MEN PARESHAAN HUSAYNAA

KISTARHAA KAFAN DE KE HAI MOHTAAJ RIDAA SE
BALWE MEN JAFAA SE
ZAINAB HAI BOHOT BE SARO SAAMAAN HUSAYNAA

KEHTITHI BAHAN DEKH KE BEHTAA HUWAA DARIYAA
BHAAI RAHAA PYAASAA
ZAINAB HAI BOHOT DAM SE PASHEMAAN HUSAYNAA

GIRTAA HAI MASAAEB MEN ANISE JIGAR AFGHAAR
AUR SHEH KAA AZAADAAR
KARTE HAI MERI MUSHKILEN AASAAN HUSAYNAA