Anjuman E Sakina

HAL MIN NAASIRIN YANSURNAA
SEHRAA-E-KARBALAA SE AAWAAZ AA RAHI HAI
APNE JAWAAN PISAR KO EK MAA BULAA RAHI HAI

KHAIME BHI JAL CHUKE HAIN ASBAAB LUT CHUKAA HAI
DASHTE JAFAA ME DUBI EK DARD ME SADAA HAI
ABBAAS AAWO CHAADAR AB LUTI JAA RAHI HAI

ZULME ADU SE HAMKO AAKAR BACHAAWO BHAIYYAA
IS WAQTE BEKASI ME KUCHH KAAM AAWO BHAIYYAA
JORO SITAM KI BADLI HAR SIMT CHHAA RAHI HAI

JULAA BHI JAL CHUKAA HAI BISTAR BHI JALGAYAA HAI
BAANU KE DIL ME LAIKIN ARMAAN SULAG RAHAA HAI
HAI KHUD TASAWWURON ME LORI SUNAA RAHI HAI

TUKDE ZAMEEN SE KOI KIS TARHA SE UTHAAE
JALTI ZAMEEN PE BAITHI EK BIBI SAR JUKAAYE
DAAMAN ME APNI FARWAA ZARRE UTHAA RAHI HAI

SHIKWAA ATASH KAA LAB PAR KYUN LAAYI MAI CHACHAA SE
SHARMINDAA HUN CHACHI SE DILBANDE BAA WAFAA SE
YE BAIN KARKE BACHI AANSU BAHAA RAHI HAI

JALTE HUWE HAIN KHAIME BARPAA HAI EK QAYAAMAT
MANSAB KI PEHLI MANZIL AUR GHASH ME HAI IMAAMAT
SHOLON ME JAAKE ZAINAB AABID KO LAA RAHI HAI

AASHURA-E-MUHARRAM EKSATVI HIJRI SAN THAA
SIBTE NABI NE US DIN FARMAAYAA ISTIGHAASAA
AB TAK SADAA ANISE MUZTAR WO AA RAHI HAI