Anjuman E Sakina

GHAAZI KAA ALAM LOGO BAKHSHISH KI ZAMAANAT HAI
TAAZIM KARO ISKI ZAAHRAA KI AMAANAT HAI

ABBAAS KAA YE PARCHAM KARBAL KI NISHAANI HAI
WAABISTAA ISI SE KUCHH PYAASON KI KAHAANI HAI
MEYAAR WAFAAON KAA AZMAT KI ALAAMAT HAI

UMMAT NE KIYE DONO BAAZU BHI KALAM DEKHO
UNCHAA HI RAHAA PHIR BHI GHAAZI KAA ALAM DEKHO
ZAINAB KI DUAAON SE AB TAK YE SALAAMAT HAI

SINE SE LAGAA RAKHNAA GHAR GHAR PE SAJAA RAKHNAA
HAR SHAAM DIYE ISKI CHOKHAT PE JALAA RAKHNAA
BID-AT YE NAHIN HARGIZ MOMIN KI IBAADAT HAI

SAR AAJ BHI UNCHAA HAI HAR EK NAMAAZI KAA
ISLAAM YAQINAN YE EHSAAN HAI GHAAZI KAA
JO AAJ TALAQ TERI SAANSON ME HARAARAT HAI

MAULAA KI ZARIH PICHHE AAGE HAI ALAM DEKHO
KARBAL KI TARHAA AB BHI MEHSOOS HUWAA MUJHKO
MAATAM KE JULOOSON ME GHAAZI KI KAYAADAT HAI

SAR MAINE JUKAAYAA HAI TAAZIM KE SAJDE ME
JAWWAAD JAHAAN SUNLE MERE TO AQIDE ME
PARCHAM KI ZIYAARAT BHI ROUZE KI ZIYAARAT HAI