Anjuman E Sakina

SADME UTHAA RAHI HUN MAI BAABAA TUMHAARE BAAD
DARBAAR JAA RAHI HUN MAI BAABAA TUMHAARE BAAD

BAABAA YE FAATEMAA PE MUSIBAT KAA WAQT HAI
YE MARHALAA KATHAN HAI QAYAAMAT KAA WAQT HAI
KHUTBAA SUNAA RAHI HUN MAI BAABAA TUMHAARE BAAD

KOI MUJHE BATAAYE KE KYAA HAI MERAA KUSUR
SADMAA YE HAI KE SHEHR KI AABAADIYON SE DUR
AANSU BAHAA RAHI HUN MAI BAABAA TUMHAARE BAAD

BAABAA TUMHAARE BAAD YE MUJH PAR SITAM HUWAA
MOHSIN MERAA SHAHID HUWAA WAA MUSIBATAA
YE GHAM UTHAA RAHI HUN MAI BAABAA TUMHAARE BAAD

BAABAA GHARIB BETI KI GHURBAT TO DEKHLO
UMMAT NE HAQ NAHIN DIYAA BINTE RASUL KO
YE AJR PAA RAHI HUN MAI BAABAA TUMHAARE BAAD

ZULMAT KI HAR NAQAAB KO RUKH SE HATAA KE AAJ
DARBAAR MEN LAEEN KE KHUTBAA SUNAA KE AAJ
HAQ KO BACHAA RAHI HUN MAI BAABAA TUMHAARE BAAD